見工奇聞(3)

去坪輋見工,公司叫達賢工程有限公司
第一印象:無網頁嘅?點知你做乜(明明有總公司,但就唔知道,個admin有sent email畀我,電話又有,就係唔畀人知地址,你哋使唔使咁撚神秘?)
第二印象:嘩,原來個地址咁隔涉嘅?有心嘅唔該sent埋張地圖啦,連地盤位置都咁神秘
第三印象:死煙剷
然後第四印象:兩個中佬,皮膚黑啲嗰個夠晒剋人憎

好,我承認今次無做功課之餘,仲畀唔到人哋passion.
但我覺得我做唔到呢份工太好,因為...係啊,我係好靜嘅人,我追求實事求事,吹撚脹咩?

我由自我介紹,到"有咩問題想問"其實我都唔係有太多嘢講同反應.或者我真係對呢間公司提唔起興趣.好啦,到咗我問:咁可唔可以講我呢個職位做咩?
黑皮膚:我頭先咪講咗
我(屌你老母啊,你今日食咗飯,咁聽日仲食唔食飯?):我只係想你詳細啲講啫(慒撚)
黑皮膚就blah blah blah...但我一句都聽唔入耳.
最剋人憎係,臨走時我都未講完嘢,佢就:唔該晒
你老母.知唔知咩叫尊重?死八公

同埋我想講,做呢個職位唔係靠把口sell客,係要靠腦同手做嘢,居然要我靠把口搵食?
sor囉,你請我都唔做

見工奇聞(2)

喺坪輋一間幼兒學校見工,
個校長都奇怪,查我家宅,我係結咗婚,但同老公分開住,同你有咩關係呢?當傾閒偈啊?又問我間屋係點點點,又問我係咪原住問,悶得滯啊?

然後都係正常打字text,海報text,excel text...咁見大家傾到兩嘴,我都以為自己掂緊,佢又介紹埋學校環境.等second in,又text,今次帶埋個主任...好啦.結果見唔成.雖然事前勁想做,但知道無結果都係好事.最嬲係好好哋一個Interview,點解要我聽你講前同事同問我家宅呢?關係屁事,同工作無關㗎喎

見工奇聞(1)

http://www.stanger.com.hk/index.htm

呢間公司喺幾個聘網站登廣告,當中包括奴工處
我記得當初喺奴工處見到佢請人講明係學歷不拘,blah blah blah
見都幾近住處,就走去試吓,鍾生話帶埋學歷證明工作證明同相(ok...)

見工嘅時候可謂過五關斬六將,
打字text錯處text.(都正常嘅)
然後叫我交文件,又話:咦?唔係正本啊.你對上嗰份工再對上嗰份工嘅工作證明呢?你有無帶考績?你讀咩科?我寫中五,佢話係中三,我N年前公司名你又睇錯,鍾生,你係唔係唔識中文字,唔係我寫錯係你睇錯囉!我做了幾年文職,要求九千,鍾生話,做咗幾年文職呢個價係啱嘅(我心諗屌你老母...)你喺邊度搵到呢份工?你對呢份工有咩期望?我一in完心諗,你請我我都唔做.
不過講真,呢次我見工我都知道自己毫無誠意,不過都啱,因為呢種咁荒謬嘅工作我係唔會做,宜家查我三代咁話啦喎?最憎啲人未請先copy人哋啲資料.填履歷表仲話會keep返個資料...
真係夠晒仆街喎,問我拎咁多嘢...鍾生你英文名改得啱,Ryan,壞人