搵工奇聞(4)

呢份工真係好彩無請我.
話說間公司係喺大圍,未入公司,喺門口條梯就聞到勁大煙味,真係嚇親我.入到去,哇,好臭煙味.樓底勁低,好舊咁.我唔記得in我嘅嗰位中女係咩身份,但記得佢眼睫毛勁長,大眼con,啲牙有漬,隻戒指好大粒咁.其實佢態度唔係差,但我想講,我之前間公司(同時又變成我宜家做嘅公司)仲大間過你呢間,你咁都未聽過?整體而然,成間office畀我感覺係污煙瘴氣.雖然好處係返五日同埋無o.t.但工作環境實在太差了.建議有計劃生B嘅人都係遠離呢間公司.天美高清潔服務有限公司

見工日子完結

經過一個月的折磨,我終於脫離失業嘅日子了!
而且我份人工仲要高過之前見嘅所有工.
可謂苦盡甘來.

回顧往日見工奇聞
第一份:stanger,我要求九千,對方鍾生好笑的說:"九千蚊人工,都啱嘅,你做咗幾年文職"
第二份:明愛,人工過萬,唔記得幾多,起碼得一萬蚊加百幾蚊左右
第三份:(未打奇聞報告)九千蚊
第四份:達賢工程有限公司,我要求九千五.佢頂盡都只可以畀一萬(見咁多份最撚剋人憎係,份工要求良好嘅表達能力,少嘢講唔代表無表達能力,而家用把口開工定用腦開工呢?好彩無請我囉,賤人)


其實我好膚淺,我認為人工等如尊嚴,其實宜家香港啲工好難揀得落手,9K我都嫌低,仲要要求好打得咁,要N年工作經驗,要識呢樣嗰樣...豬多要求咁.我近排發現一間叫利是清潔服務有限公司,真係賤到無倫...有興趣嘅自己去搵,我就唔分享啦.香港返工時間已經夠長,人工仲咁低,香港打工仔好慘,仲要有分勞假同公眾假期,真係好笑.